• Улаанбаатар хот, Багатойруу, Анкара гудамж 19-2 тоот
  • info@hugjiltv.mn
  • Ажлын цаг : 09:00 - 19:00

Ангилал: Нийгэм

Ангилал: Нийгэм

Монгол Улс Азийн наадмаас 183 медаль хүртээд байна

Азийн наадам эхлэхэд хэдхэн хоног үлдлээ. Монгол Улсын баг тамирчид 1974 оноос эхлэн Азийн наадамд оролцсон бөгөөд энэ хугацаанд нийт 183 медаль хүртээд байна. Үүнээс 28 нь алт, 51 нь мөнгө, 104 нь хүрэл медаль юм. Анх оролцсон Азийн наадамдаа Монгол Улс хоёр алт, таван мөнгө, найман хүрэл нийт 15 медаль хүртэж байсан юм. Түүхэндээ хамгийн олон медаль авч байсан нь 2018 оны Жакарта-Палембангийн наадам бөгөөд монголчууд 25 медаль хүртэж байжээ. Дэлхийд алдартай “1xBet” брэндийн шинжээчид Монгол Улсын баг тамирчид 2026 оны Азийн наадамд чөлөөт бөх, жүдо, бокс зэрэг спортод амжилт гаргахаас гадна сагсанбөмбөгийн “3х3” төрөл, байт харваанд амжилт үзүүлнэ гэж таамаглаж буй. Мөн энэ жилийн наадамд шинээр багтсан холимог тулааны төрөлд ч амжилт үзүүлнэ гэж таамаглаж байгаа билээ.

дэлгэрэнгүй

Монголын 7 газар ЮНЕСКО-гийн Дэлхийн өвд бүртгүүлээд байна

Монгол Улс одоогийн байдлаар ЮНЕСКО-гийн Дэлхийн өвийн жагсаалтад долоон газар орныг бүртгүүлээд байна. Эдгээрээс тав нь соёлын, хоёр нь байгалийн өвийн жагсаалтад бүртгэгджээ. Хамгийн сүүлд энэ онд “Хүннүгийн язгууртны оршуулгын цогцолборуудыг” шинээр бүртгүүлсэн юм. Монгол Улсын бүртгэгдсэн газруудыг дурдвал Орхоны хөндийн соёлын дурсгалт газар, Монгол Алтайн хадны зургийн цогцолбор, Бурхан Халдун уул ба түүнийг хүрээлсэн тахилгат газар нутаг, Буган чулуун хөшөө, хүрлийн үеийн холбогдох дурсгалууд, Увс нуурын ай сав, Дагуурын ландшафт билээ. Монгол Улс ЮНЕСКО-гийн Дэлхийн өвийн конвенцид 1990 онд нэгдэн орсон. Конвенцид нэгдсэнээр бүртгэлтэй өвийн хамгаалалтын нөхцөлийг хадгалах, менежментийн төлөвлөгөө хэрэгжүүлэх үүрэг хүлээдэг юм. Хэдийгээр дэлхийн өв нь аялал жуулчлалыг хөгжүүлэх шалтгаан боолдог ч уг жагсаалтын үндсэн зорилго нь тухайн өвийн онцгой үнэ цэнийг урт хугацаанд хамгаалахад чиглэгддэг ажээ.

дэлгэрэнгүй

Ой, хээрийн таван түймрийг бүрэн унтраажээ

Дорнод, Сүхбаатар, Булган аймгийн нутаг дэвсгэрт бүртгэгдсэн ой, хээрийн таван түймрийг бүрэн унтраалаа. Тодруулбал, Дорнод аймгийн Халхгол суманд хоёр, Баянтүмэн суманд нэг, Сүхбаатар аймгийн Сүхбаатар суманд нэг, Булган аймгийн Хишиг-Өндөр суманд нэг ой, хээрийн түймэр тус тус бүртгэгдсэн байна. Намрын улиралд өвслөг ургамал хатаж, газрын гадарга болон ургамлын бүрхэвчийн чийг багасдаг. Үүнээс гадна салхины нөлөөгөөр гал түймэр гарах, богино хугацаанд тархах эрсдэл нэмэгддэг байна. Иймд иргэдийг ой, хээрийн бүсэд зорчихдоо галын аюулгүй байдлыг чанд сахиж, ил задгай гал түлэхгүй байхыг анхааруулж байна. Мөн асаасан гал, шүдэнз, тамхины гал, цог нурмыг бүрэн унтрааж, ой, хээрийн түймрээс урьдчилан сэргийлэхийг холбогдох байгууллагаас онцгойлон анхаарууллаа.

дэлгэрэнгүй

БНХАУ шатахууны экспортоо хязгаарлаж магадгүй

Эх газрын Хятадад шатахуун, дизелийн түлшний нөөц нь буурч байгаагаас үүдэн экспортыг хязгаарлах магадлал нэмэгдсээр байна. Олон улсын томоохон агентлагуудын мэдээлснээр өнгөрсөн долоо хоногт БНХАУ-ын төрийн өмчиит шатахуун нийлүүлэгчдийн нөөц 2.9% агшиж, 2022 оноос хойших доод түвшинд хүрлээ. Дизелийн түлшний нөөц нь 2.4% буурснаар 15 сарын доод түвшинд хүрсэн байна. БНХАУ-ын засаг захиргаа АНУ-Ираны дайн эхэн үед хэдэн долоо хоног газрын тосны экспортоо хязгаарлаж байсан түүхтэй. Улмаар нөхцөл байдалтай уялдуулан Хятадын тал экспортын хязгарлалтаа зөөлрүүлж шатахуун, дизелийн түлш, онгоцны түлш зэрэг боловсруулсан бүтээгдэхүүний экспорт долоодугаар сард эргэн сэргэж байжээ. АНУ, Ираны нөхцөл байдал шинэ шатанд гарч Ормузын хоолойд газрын тосны тээврийн онгоцнуудад халдах явдал нэмэгдсэн тул цаашид дэлхийн зах зээлд газрын тосны ханш өндөөр хэвээр үргэлжлэхээр байна. Ганцхан баримт дурдахад олон улсын зах зээл дээр брент төрлийн газрын тосны ханш есдүгээр сар гарсаар 20 орчим хувиар өссөн. Одоогоор энэ төрлийн газрын тос баррель тутамдаа 108 ам.доллароор худалдаалагдаж байна. Ташрамд дурдахад Монгол Улс есдүгээр сард Хятадын талаас 10 мянган тонн автобензин,  мянган тонн онгоцны түлш, 3 мянган тонн дизелийн түлш авахаар тогтсон. Монголын талаас есдүгээр сар болон аравдугаар сард нэмэлт шатахуун авахаар хүсэлт тавин шуурхай судлуулж байгаа юм. АҮЭБ-ийн сайд Г.Дамдиннямын мэдээлснээр наймдугаар сард БНХАУ-аас 6 мянган тонн “АИ-92” автобензин татан авчээ.

дэлгэрэнгүй

Хүүхэд хамгааллын түншлэлийн компакт

Монгол Улсын Засгийн газар, Америкийн Нэгдсэн Улсын Төрийн департамент хооронд “Хүүхэд хамгааллын түншлэлийн компакт” гэрээг 2020 онд байгуулсан. Энэ хүрээнд хүн худалдаалах гэмт хэрэгт хүүхэд өртөхөөс урьдчилан сэргийлэх, холбогдох хуулийн байгууллага, иргэдийн мэдлэгийг нэмэх олон талт ажлыг зохион байгуулж байна. Өнөөдөр уг төслийн хэрэгжилтийн явцтай танилцах, цаашид авч хэрэгжүүлэх арга хэмжээний талаар санал солилцох хоёр улсын Засгийн газрын хамтарсан уулзалт болов. МАНАЙ УЛСАД СҮҮЛИЙН ГУРВАН ЖИЛД 30 ХҮН ЭНЭ ГЭМТ ХЭРЭГТ ӨРТСӨН Гэмт хэргээс урьдчилан сэргийлэх ажлыг зохицуулах зөвлөлийн ажлын албаны дарга Л.Нямгэрэл “Хүүхэд хамгааллын түншлэлийн компакт” гэрээ 2020 оноос хойш хэрэгжиж байна. Жил болгон АНУ-ын Засгийн газрын төлөөллүүд уг төслийн хэрэгжилттэй танилцдаг. Энэ төслийг Дэлхийн зөн ОУБ, Азийн сангаар дамжуулан хэрэгжүүлж байна. Манай улсад гэмт хэргийн нөхцөл байдал, хүүхэд хамгааллын чиглэлээр ажилладаг төрийн болон ТББ-уудаас уг төслийг эхлэхэд санал авч, хэрэгцээ шаардлагыг нь тодорхойлсон. Хүн худалдаалах гэмт хэрэгт хүүхэд өртөхөөс урьдчилан сэргийлэх ажлуудыг зохион байгуулж байна. Энэ хэрэг манай улсад үйлдэгдэж буй нийт гэмт хэргийн маш бага хувийг эзэлдэг ч хүн худалдаалах гэмт хэргийг зохион байгуулалтай бүлэглэл үндэстэн дамнаж үйлддэг учраас урьдчилан сэргийлэх нь маш чухал. Бага үйлддэг гэж санаа амралгүй, энэ төслийг амжилттай хэрэгжүүлэхээр бүх тал хүчин чармайлт гаргаж байна. Хүн худалдаалах гэмт хэрэгт өртсөн, насанд хүрээгүй хохирогчдод үзүүлэх тусламжийг сайжруулах нь чухал. Цагдаа, прокурор, шүүгч нэгдсэн ойлголттой бол энэ гэмт хэргийг үйлдсэн хүнд тохирсон ял онооно. Монголд хүн худалдаалахтай тэмцэх хуульд хохирогчдод үзүүлэх үйлчилгээг нарийвчлан зохицуулаагүй. Харин гэр бүлийн хүчирхийлэлтэй тэмцэх хуульд маш нарийн заасан. Хүн худалдаалах гэмт хэрэгт хэн нэгнийг хүчээр хулгайлахаас гадна, хөдөлмөр, бэлгийн мөлжлөг хамаарна. Хүүхдээр хориотой, тэвчишгүй хөдөлмөр эрхлүүлэх тохиолдол бий. Иймд хохирогч хүүхдүүдэд үзүүлэх тусламж үйлчилгээ тодорхой, чанартай, хүртээмжтэй байх ёстой. Мөрдөн шалгах ажиллагааны явцад оролцож байгаа хохирогч хүүхдүүдийн эрхийг хамгаалахад ээлтэй орчин хэрэгтэй. Тиймээс бид хэд хэдэн мэдүүлгийн өрөөг тохижууллаа. Энэ зөвхөн өрөөний тухай асуудал биш. Тухайн өрөөг зориулалтын дагуу ашиглах, мөрдөгч, бусад холбогдох хүмүүс хүүхдээс хэрхэн мэдүүлэг авах, сэтгэлзүйн төвтэй сургалтууд явуулав. Энэ төрлийн гэмт хэргийн талаар олон нийтийн ойлголт, мэдлэгийг дээшлүүлэх, урьдчилан сэргийлэх ажлуудыг ч хийж байна. Иргэдийн хүн худалдаалах гэмт хэргийн ойлголт зөв болсноор өөрийгөө болон бусдыг хохирогч болохоос сэргийлнэ. Манай улсад сүүлийн гурван жилд 30 хүн энэ гэмт хэрэгт өртсөн статистик мэдээлэл бий. Гэхдээ энэ төсөл эхлэх үеэс уг гэмт хэрэгтэй холбоотой алба хаагчдыг маш сайн сургасан. Цагдаа, прокурор, шүүгч нэгдсэн ойлголттой байж энэ гэмт хэргийн яллагдагчдад тохирсон ял шийтгэл онооно.” гэлээ. Хүн худалдаалах гэмт хэрэг нь нийгмийн хор аюул ихтэй, хүний халдашгүй байдалд ноцтойгоор халддаг, зохион байгуулалтай гэмт хэрэг юм. Манай улс илгээгч, дамжуулагч, хүлээн авагч орон гэдгээр олон улсын тайлан илтгэлүүдэд дурдагдаж байна. “Дэлхийн зөн” ОУБ-ын “Хүүхэд хамгааллын түншлэлийн компакт” гэрээний төслийн захирал Б.Дарьханд “Энэ компакт гэрээний хүрээнд Монгол Улсын төрийн болон ТББ-уудтай хамтарч ажиллаж байна. Уг гэрээг байгуулахаас өмнө АНУ-ын Засгийн газраас манай улсад хүн худалдаалах гэмт хэргийн нөхцөл байдлыг үнэлсэн. Тухайн үед холбогдох байгууллагуудтай уулзаж, тусламж хэрэгтэй гэж үзэн, энэ гэрээг байгуулсан юм. АНУ-ын Төрийн департаментын Хүн худалдаалах гэмт хэрэгтэй тэмцэх газрын буцалтгүй тусламжаар санхүүжин хэрэгжиж байна. Хүн худалдаалах гэмт хэргийг хүнд гэмт хэрэг гэж тооцдог. Ялангуяа хүүхэд өртсөн бол сэтгэцийн маш хүнд гэмтэл авдаг. Сэтгэлзүйн гэмтэл авсан хүүхэд урт хугацаанд илааршдаггүй. Төслийн хүрээнд нийгмийн хамгаалал, үйлчилгээ, хууль хяналтын байгууллагуудад эдгээр хүүхдүүдтэй хэрхэн харилцах арга зүйг сургаж байна” гэлээ. Уулзалтад хүн худалдаалахтай тэмцэх, урьдчилан сэргийлэх дэд зөвлөл, салбар дундын хамтарсан багийн гишүүд, төслийг хэрэгжүүлэгч талуудын төлөөлөл оролцлоо. Эх сурвалж

дэлгэрэнгүй

Хөдөлмөр хүнийг бүтээнэ

Танд юу хамгийн үнэ цэнтэй мэт санагддаг вэ? Таны гар утас уу? Эсвэл хэн нэгний өгсөн нандин бэлэг уу? Тиймээ хүн бүрийн хувьд үнэ цэнэтэй зүйл нь өөр өөр. Гэхдээ зөвхөн “Үнэ Цэнэ” — г биет зүйлээр тодорхойлдог гэвэл би лав итгэхгүй. Учир нь хүнийг хүн болгож амжилтад хүргэж, магадгүй түүнээс хүртсэн гавьяа шагналын гол үндэс суурь нь яахын аргагүй яг одоо танд бодогдож буй хөдөлмөр гэдэг зүйл. Сайн сайхан зүйл хөдөлмөр чармайлтын үр дүнд бий болдог. Харин муу зүйл зүгээр л өөрөө гараад ирдэг гэж Философич Демокрит хэлсэн байдаг. Тэгвэл та сайн сайхныг бүтээхийг хүсвэл хөдөлмөрлөхөөс өөр сонголт байхгүй бөгөөд яг одоо юуг ч хүлээхгүйгээр эхэл. Яагаад ингэж хэлж байна вэ гэдгийг та миний хөдөлмөрлөсөн туршлагаас олж мэдэх болно . 2020 оны эхний сард англи хэлээ сайжруулах арга замыг хайж явсаар урьд өмнө нь огт хийж үзээгүй том сорилтой нүүр тулгарсан нь англиар ном унших байлаа. Хавтастай зузаан цаасан ном бус орчин үеийн цахим номын сан. Мэдээж тухайн номын сангаас өөрийн англи хэлний түвшинд тохирсон номыг олж уншсанаар би хэчнээн хэмжээний үг уншсан бэ гэдэг нь харагддаг. Х-READING цахим санг албан ёсны эрхтэйгээр Монголд нэвтрүүлсэн Лингорс компаниас жил бүр нийт уншигчдын дунд зохион байгуулдаг Reading Marathon 2020 уралдаанд оролцох болсноор энэ бүхэн эхэлсэн юм даа. Анх Сургуулийн коридороор сэлгүүцэж явахдаа x-reading цахим номын сангийн үнэгүй эрх бэлэглэх зарлалыг хараад клубд орохоор шийдсэн юм.Мэдээж үнэгүй зүйлийг яаж зүгээр өгөхөв гэсэн шиг нэгэнт энэ клубд оръё гэж сэтгэл шулуудсан тулдаа бүтэн өдөржин хичээлээ ч хийхгүйгээр эсээ бичиж багшдаа өглөө. Удалгүй дугуйландаа тэнцэж анх удаа 50 үгтэй ,аудиотой, анхан шатны , мөн уншаад дууссаны дараа 5 асуултад хариулж шалгалт өгдөг тийм л номыг уншиж дуусгасан миний хувьд технологийн хөгжлийг гайхахын зэрэгцээ сонирхолтой санагдах тийм л зүйлийг анх удаа хийж үзсэн билээ. Марафон 2 сар үргэлжлэх бөгөөд бариандаа шалгарахын тулд 100.00 дээш үг уншсан байх шаардлагатай бөгөөд би ч ялна гэсэн элдэв бодолгүйгээр , надаас мундаг сурагчид олон байгаа миний хувьд амжилттай бариандаа ороход болно гэж ёстой л алтан дунджийг баримталсан даа. Нэг мэдэхэд номондоо уусаж өдөр бүр тасралтгүй уншдаг боллоо. Уралдаан зохион байгуулагч хамт олноос долоо хоног бүр бүх оролцогчдын тайлан мэдээг гаргадаг бөгөөд марафоны эхний долоо хоногт 300 гаруй сурагчаас 30р байранд орж аль хэдийн болзлоо хангасан байлаа. Үүнийг хараад үнэхээр их баярласандаа . Үүндээ ч урамшиж эхний 10 байранд орохын тулд өдөрт 100к үг унших зорилготой болсон юм . Гэхдээ би бууж өгөөгүй. Учир нь бас нэгэн долоо хоногийн тайлан мэдээгээр би 5р байранд 600К үг уншсанаар жагссан байлаа. Би бүр шоок гэдэг шиг амьдралдаа тэгж их баярлаж үзээгүй юм шиг .Анхнаасаа л бариандаа орвол боллоо гэсэн сэтгэлтэй би болзлоо 10 20 дахин өсгөж чадсандаа хэсэгтээ л итгэж өгөөгүй. Аргагүйдээ бараг теле хичээлээ ч хийлгүй өдрийн 5.6 цагийг тасралтгүй 2 сар утас ширтэн ном уншина гэдэг ямар том тэвчээр хийгээд , шаргуу хөдөлмөр байсан юм бэ гэдгийг маш сайн ойлгосон. Энэ явцаар тасралтгүй 3 сарын турш 2 марафонд амжилттай оролцож шилдэг 10 оролцогчийн нэгээр шалгарсан. Зарим хүмүүс хөдөлмөрлөж мөнгө олдог бол харин би цаашдын миний амьдралд хэрэгтэй шавхагдашгүй тийм л хөдөлмөрийн үнэ цэнийг бүтээсэн. Цаг Хугацааг ухраавал тухайн үед би эрэл хайгуул хийж тухайн клубд ороогүй бол орсон ч магадгүй энэ цаасан дээр буулгах 1сая үг уншиж билээ гэсэн бичих дурсамжгүй. Шантраад замын голоос орхисон бол , хөдөлмөрийн үр шимийг амсаж үзээгүй , англи хэлний элсэлтийн ерөнхий шалгалтаас айсан англи хэлний түвшин өсөөгүй , итгэлгүй, бор гэрийн богд болоод л суух байсан байх. Эцэст нь хэлэхэд хөдөлмөр хүнийг бүтээдэг. 3 сар тасралтгүй англи ном уншиж хөдөлмөрлөж шантралгүй өдийг хүрсэн тулдаа өөртөө маш том юуны хөрөнгө оруулалт хийсэн. 50 үгтэй номоос 30000 үгтэй номыг төвөггүй уншдаг болох хүртлээ хөдөлмөрлөсөн. Энэ хугацаанд шантрах залхуурах үеүд зөндөө байсан ч огт зогсолгүйгээр бас марафоны дараа хүн хөдөлмөрлөвөл хүнээс ямар их агуу хүч гардаг вэ гэдгийг яс махандаа шингэтэл ойлгосон мөч байсан даа. Ингэж хөдөлмөр хүнийг бүтээдэг. Үүнд л хөдөлмөрийн үнэ цэн оршино.

дэлгэрэнгүй