Сүхбаатар аймгийн Цагдаагийн газрын алба хаагчид тус аймгийн Баруун-Урт, Сүхбаатар, Асгат сумын нутаг дэвсгэрт удаа дараагийн үйлдлээр мал хулгайлж байсан бүлэг этгээдүүдийг илрүүлжээ Урьдчилсан мөрдөн шалгах ажиллагаагаар сэжигтнүүд нийт *41 толгой бод мал хулгайлсан нь тогтоогдож, улмаар иргэдэд 87 сая төгрөгийн хохирол учруулсан байна. Одоогоор уг хэргийг шалгах мөрдөн байцаалтын ажиллагааг үргэлжлүүлэн явуулж байгаа бөгөөд бусад холбогдох нөхцөл байдлыг тогтоохоор ажиллаж байна.
Хонь Өнөөдөр амьдрал танаас сонсох чадвар шаардана. Бүхнийг хянах гэсэн хүслээ дарвал эргэн тойрны хүмүүс гайхалтай шийдэл санал болгох чадвартай гэдгийг харна. Хурд, хэмнэлээ хасаарай. Үхэр Санхүү болон ахуйн асуудлаа элдэв жүжиггүй цэгцлээрэй. Ирээдүйн талаарх таамгаасаа айхаа боль. Урдах ажлаа л хий. Жижиг алхмууд танд хөл дээрээ зогсох мэдрэмж төрүүлнэ. Хайртай хүмүүстэйгээ захирсан дуугаар ярих хэрэггүй. Ихэр Таны ухаан бодол нэгэн зэрэг зуун санааг барьж авахыг хичээнэ. Үүний оронд ядаж нэг чухал ажлаа дуусгахыг хичээгээрэй. Хормын сэтгэл хөдлөлийн нөлөөн дор амлалт өгөхөөс зайлсхий. Та өөрөө л амлалтаа биелүүлэх болно шүү. Мэлхий Танаас огт хамаарахгүй зүйлээс болж санаагаа зовоох хэрэггүй. Үүний оронд өөрөөсөө юу хамгийн ихээр тайвшруулдаг тухай асуу. Завсарлага авч, идэвхээ сулруулж, хүчээ сэлбээрэй. Арслан Бусдаар хүлээн зөвшөөрүүлэхийн тулд хөлсөө дуслуулахаа боль. Эрч хүчээ өдөр тутмын ажилдаа зориулаарай. Өөрийнхөө байр сууринд хатуу зогсож буй нэгнийг ятгах гэж бүү хичээ. Охин Бүхнийг төгс байлгах гэж өөрийгөө ядраах вий. Ажлаас бус харин ажлын үр дүнд хандах надлагаас болж бид стресстдэгийг ойлгоорой. Хүлээлтээ багасгавал эрх чөлөө, баяр баясгалан авчирна. Жинлүүр Өөрийнхөө амар тайван байдлыг ямар ч гэмшилгүйгээр хамгаалах эрхтэй гэдгээ өөртөө сануулаарай. Бусдын зөрчилд энхийг сахиулагчийн үүрэг гүйцэтгэх нь илүү. Өөрсдөө учраа олог. Хилэнц Энгийн ойлгомжтой зүйлээс далд санаа, утга учрыг нь олох гэж хичээнэ. Хамт олон, найз нөхдийн үгнээс өө хайх хэрэггүй. Эрч хүчээ төвлөрөл шаардсан хүнд асуудлыг шийдэхэд зориул. Оюун ухаанаа хэт их бодлоос чөлөөлөөрэй. Нум Таны томоохон санаанууд жижиг өдөр тутмын ажлаа хийх шаардлагатай тулгарна. Уйтгартай гэж бүү бухимд. Жижиг ажлууд л ирээдүйн амжилтын суурийг тавьж байдаг. Асуудлыг алхам алхмаар шийд. Матар Бүхнийг өөр дээрээ авах хүсэл таныг ядраана. Бусдад зарим даалгавраа хариуцуулах чадвар бол бүтээлч хүний шинж. Бусад хүмүүст бие даан ажиллах боломж олго. Хумх Өнөөдөр аливаа дүрэм таны эрх чөлөөг боомилж байгаа мэт санагдана. Маргаанаас зайлсхий. Ахуйн асуудлаа эмгэнэлт жүжиг болгодог хүмүүсээс зайгаа бариарай. Аливаад тайван ханд. Загас Бодит байдалтай холбоогоо таслахгүй байх нь чухал. Итгэлгүй мэт байгаа бол энгийн дасгал хий. Эргэн тойрноо цэгцэл. Бусдын сэтгэл хөдлөлд автахгүй байхыг хичээгээрэй.
Монгол Улсад 2025 онд 10-19 насны 2.86 мянган охин жирэмсэн болсон тухай Үндэсний статистикийн газрын мэдээлэлд дурджээ. Энэ нь өмнөх онтой харьцуулахад 16.5% өссөн үзүүлэлт аж. Насны бүлгээр нь авч үзвэл 15-19 насны охидын жирэмслэлт дийлэнх хувийг эзэлж байна. Эсрэгцэх нэгэн статистик байгаа нь жирэмсэлсэн охдын тоо нийт дүнгээр өссөн ч өсвөр насны охидын төрөлтийн түвшин буурчээ. Тухайлбал 2025 онд 1000 хүнд ногдох төрөлтийн 14.7 болж, өмнөх оноос буурсан байна. Ташрамд дурдахад сүүлийн таван жилд жирэмсэн болсон охидын тоо 2000-аас буурахгүй байна. 2021-2023 оны хооронд гурван жил дараалж 100 гаруй тохиолдлоор буурсан ч 2024 онд 2.4 мянган тохиолдлоор огцом нэмэгджээ. Дэлхийн эрүүл мэндийн байгууллагаас өсвөр насны жирэмслэлттэй холбоотойгоор Монгол Улсад хэд, хэдэн зөвлөмж өгсөн байдаг. Тухайлбал бэлгийн цогц боловсрол олгох, жирэмслэлтээс сэргийлэх хэрэгслийн хүртээмжийг нэмэгдүүлэх, өсвөр насныханд ээлтэй эрүүл мэндийн тусламж үйлчилгээ нэвтрүүлэх, нийгмийн хандлага болон эцэг эхийн оролцоог нэмэгдүүлэх тал дээр анхаарахыг зөвлөжээ.
НХАУ-ын дарга Ши Жиньпин, АНУ-ын Ерөнхийлөгч Доналд Трамп нарын дээд хэмжээний уулзалтын босгон дээр хоёр тал хэд хэдэн төрлийн бараа бүтээгдэхүүн, тэр дундаа АНУ-ын эрчим хүчний эх үүсвэр, хөдөө аж ахуйн бүтээгдэхүүний гаалийн татварыг бууруулахаар ярилцаж байна гэж Блүмберг агентлаг эх сурвалж дурдан мэдээлжээ. Ши Жиньпин энэ сарын 24-нд Вашингтонд айлчилна. Цагаан ордны тэргүүн өнгөрсөн тавдугаар сард Бээжин хотноо айлчилж байсан билээ. АНУ, БНХАУ-ын хоорондын худалдааны эвлэрлийг сунгах төлөв улам тодорхой болж байна. Талууд зарим төрлийн бараа бүтээгдэхүүн, тэр дундаа дундаа АНУ-ын эрчим хүчний эх үүсвэр, хөдөө аж ахуйн бүтээгдэхүүний гаалийн татварыг бууруулахаар ярилцаж байна. Эдгээр арга хэмжээг урьдчилан боловсруулсан 30 тэрбум ам.долларын үнийн дүн бүхий бараа бүтээгдэхүүний гаалийн татварыг харилцан бууруулах төлөвлөгөөний дагуу хэрэгжүүлнэ. Үүнтэй зэрэгцэн ирэх амралтын өдрүүдэд АНУ-ын сангийн сайд Скотт Бессент БНХАУ-ын Төрийн зөвлөлийн шадар сайд Хэ Лифэнтэй уулзахаар төлөвлөж байна. Өнгөрсөн долоодугаар сард Хэ Лифэн АНУ-ын худалдааны төлөөлөгч Жеймисон Гриртэй уулзан, хоёр улсын эдийн засгийн харилцааны асуудлаар хэлэлцээ хийж байжээ. Бессентийн мэдээлснээр, Вашингтон Бээжингээс газрын ховор элемент, хөдөө аж ахуйн бүтээгдэхүний талаар хүлээсэн үүргээ бүрэн биелүүлнэ гэсэн хүлээлттэй байна. Түүнчлэн, талууд эдийн засгийн харилцааны тэнцвэрийг хангах үүднээс худалдаа, хөрөнгө оруулалтын зөвлөлүүдийн үйл ажиллагааг эрчимжүүлэхээр тохирсон байна.
Саудын Араб улс Оманы нутгаар дамжуулан түүхий газрын тос тээвэрлэх санал тавьсны дараа дэлхийн зах зээл дээр газрын тосны ханш аажмаар саарч эхэллээ. Брент төрлийн газрын тосны фьючерс ханш 0.2 хувиар буурч баррель нь 105.64 ам.доллар болсон бол WTI төрлийн газрын тосны фьючерс ханш 0.3% буурч баррель нь 102.1 ам.долларт хүрчээ. Ийнхүү алгуур буурч байгаа нь АНУ-Хятадын дээд хэмжээний уулзалтаас өмнө Ойрхи Дорнодын хурцадмал байдал намжих хүлээлт үүсээд байгаа юм. Газрын тосны ханш энэ сар гарснаас хойш даруй 20% өссөн нь АНУ-Ираны дайнтай холбоотой. Цаашид Доналд Трампын гаргах шийдвэрээс шалтгаалан газрын тосны ханш хэлбэлзэлтэй байна. Учир нь ердөө нэг сарын өмнө 80 орчим доллар дээр хадгалагдаж байсан газрын тосны ханш 100 доллароос давсан. Хэдийгээр газрын тосны ханш алгуур боловч бууж байгаа ч энэ сарын туршид 100 ам.доллароос буурахгүй гэж тооцжээ.
Азийн наадам эхлэхэд хэдхэн хоног үлдлээ. Монгол Улсын баг тамирчид 1974 оноос эхлэн Азийн наадамд оролцсон бөгөөд энэ хугацаанд нийт 183 медаль хүртээд байна. Үүнээс 28 нь алт, 51 нь мөнгө, 104 нь хүрэл медаль юм. Анх оролцсон Азийн наадамдаа Монгол Улс хоёр алт, таван мөнгө, найман хүрэл нийт 15 медаль хүртэж байсан юм. Түүхэндээ хамгийн олон медаль авч байсан нь 2018 оны Жакарта-Палембангийн наадам бөгөөд монголчууд 25 медаль хүртэж байжээ. Дэлхийд алдартай “1xBet” брэндийн шинжээчид Монгол Улсын баг тамирчид 2026 оны Азийн наадамд чөлөөт бөх, жүдо, бокс зэрэг спортод амжилт гаргахаас гадна сагсанбөмбөгийн “3х3” төрөл, байт харваанд амжилт үзүүлнэ гэж таамаглаж буй. Мөн энэ жилийн наадамд шинээр багтсан холимог тулааны төрөлд ч амжилт үзүүлнэ гэж таамаглаж байгаа билээ.
Өнөөдөр Эм, эмнэлгийн хэрэгслийн хяналт зохицуулалтын газар, Бүгд Найрамдах Польш Улсын Эм, эмнэлгийн хэрэгсэл, биоцидын бүтээгдэхүүний бүртгэлийн алба, АШУҮИС-иуд хамтран “Эм зүйн зохицуулалтын орчин үеийн чиг хандлага-2026” олон улсын хурлыг зохион байгуулж байна. Хуралд Эрүүл мэндийн яамны Төрийн нарийн бичгийн дарга Б.Эрдэнэбаяр, Эм, эмнэлгийн хэрэгслийн хяналт зохицуулалтын газрын дарга П.Алтанцэцэг, УИХ-ын гишүүн Ж.Золжаргал, АШУҮИС-ийн ректор Б.Дамдиндорж, Бүгд Найрамдах Польш Улсын Эм, эмнэлгийн хэрэгсэл, биоцидын бүтээгдэхүүний бүртгэлийн албаны удирдлагууд болон төлөөлөгчид бусад эм ханган нийлүүлэх байгууллагын төлөөллүүд оролцож байна. Хурлын үйл ажиллагааг нээж ЭМЯ-ны Төрийн нарийн бичгийн дарга Б.Эрдэнэбаяр хэлсэн үгэндээ “Өнөөдөр нэгэн зорилгын дор цугларсан эмийн салбарын эрдэмтэн мэргэд, багш, судлаач, зочид, төлөөлөгч нартаа талархал илэрхийлье. Дэлхий дахинд эрүүл мэнд, эм зүй, технологи хурдацтай хөгжиж, шинэ эм, эмнэлгийн хэрэгсэл, инноваци, шинэ арга, хандлага тасралтгүй бий болж байна. Монгол Улсын Засгийн газрын хэрэгжүүлж буй “Алсын хараа 2050” хөтөлбөрийн хүрээнд Эм, эмнэлгийн хэрэгслийн хяналт зохицуулалтын агентлагийг байгуулах, эмийн импортыг бүрэн цахимжуулах, чанарын лабораторийг бэхжүүлэх, экспортыг дэмжих, эмийн чанар, аюулгүй байдлыг хангах зэрэг маш олон ажлыг хийж хэрэгжүүлж байна. Монгол Улсын Ерөнхийлөгч У.Хүрэлсүх Бүгд Найрамдах Польш Улсад хийсэн төрийн айлчлалын хүрээнд эрүүл мэндийн салбар тэр дундаа эмийн салбарт дэвшил авчрах санамж бичгийг байгуулсан. Энэ хүрээнд өнөөдөр Польш Улсаас эрдэмтэн, мэргэд ирж олон улсын хурлыг хамтран зохион байгуулж байна. Монгол, Польш Улсын хамтын ажиллагааны хүрээнд уламжлалт анагаах ухааныг орчин үеийн дэвшилтэт технологид суурилан хөгжүүлэх, эмийн чанар, аюулгүй байдлыг шинжлэх ухааны үндэслэлтэйгээр баталгаажуулах, эмийн үйлдвэрлэлийг дэмжих замаар экспортын орчинг дэмжих таатай орчин бүрдэнэ гэж харж байна.” гэдгийг энэ үеэр онцоллоо.
Хүнс, хөдөө аж ахуй, хөнгөн үйлдвэрийн салбарын үйл ажиллагааг олон нийтэд сурталчлах, төр, хувийн хэвшлийн хамтын ажиллагааг дэмжих, үндэсний үйлдвэрлэлийн бүтээгдэхүүн, шинэ ургацыг хэрэглэгчдэд шууд хүргэх зорилготой “Намрын ногоон өдрүүд- Үндэсний үйлдвэрлэл 2026” нэгдсэн арга хэмжээ энэ сарын 21-27-ны өдрүүдэд Төв цэнгэлдэх хүрээлэнд зохион байгуулагдах гэж байна. ХХААХҮЯ, Улаанбаатар хотын Захирагчийн Ажлын Алба хамтран 21 дэх жилдээ тус арга хэмжээг зохион байгуулж байгаа бөгөөд энэ жил дотоодын үйлдвэрлэгчдийн шинэ ургацын төмс, хүнсний ногоо, мөөг, жимс, жимсгэнэ болон үндэсний үйлдвэрлэлийн бүтээгдэхүүнийг хэрэглэгчдэд хүргэнэ. Түүнчлэн ХХААХҮ-ийн салбарын үйл ажиллагаа, үндэсний үйлдвэрлэгчдийг сурталчилсан арга хэмжээг өдөр бүр зохион байгуулах юм. Хүнсний болон хөнгөн үйлдвэр, ЖДҮ-ийн салбар, орон нутаг, органик бүтээгдэхүүн, газар тариалан, нийслэлийн ногоочдод зориулсан нийт 218 асар ажиллуулахаар төлөвлөөд байна. Нэгдсэн арга хэмжээний хүрээнд импортын төмс, хүнсний ногоо, мөөг, жимс, жимсгэнэ худалдаалахыг хориглож байгаа юм. Өнөөдөр тус арга хэмжээг зохион байгуулах ажлын хэсгийн хурал болж салбарын хяналт шалгалт, зөвшөөрөл, зохион байгуулалттай холбоотой асуудлаар хэлэлцэж, ажлын хэсгийн ахлагч ХХААХҮЯ-ны Төрийн нарийн бичгийн дарга Т.Жамбалцэрэн бэлтгэл бэлэн байдалтай холбогдох үүрэг чиглэл өгөв. Намрын ногоон өдрүүд өргөтгөсөн худалдаагаар Монгол орны 21 аймгийн брэнд бүтээгдэхүүнийг нэг дороос авах боломж олгодгоороо онцлогтой. Түүнчлэн манай улсын тэргүүлэгч, манлай үйлдвэрүүд шинэ, шилдэг бүтээгдэхүүнээ танилцуулж хэрэглэгчдийн хүртээл болгодог юм.
Япон, БНСУ нь цэргийн хүчээ эрчимтэй нэмэгдүүлж, цөмийн зэвсэгтэй болохоор зорьж байна гэж БНАСАУ-ын батлан хамгаалахын дэд сайд Ким Ган Иль Бээжин хотноо болж буй 13 дахь удаагийн Сяншанийн аюулгүй байдлын форум дээр мэдэгджээ. БНАСАУ нь бүс нутагт энх тайвныг сахиулахын тулд боломжтой бүхий л хүчин чармайлт гаргаж байна. Тус улс нь аливаа асуудалд энхийн замаар шийдвэрлэх байр сууринаас хандан, найдвартай аюулгүй байдал, энх тайвнаар зэрэгцэн орших зарчим дээр тулгуурлан хурцадмал байдлын голомт болсон Солонгосын хойгт энх тайван, тогтвортой байдлыг хангах чиглэлд хүчин чахмайлт гаргасаар ирсэн гэж онцолжээ. Тэрбээр, сүүлийн үед дэлхийн энх тайван, тогтвортой байдлын үндэс суурь АНУ болон түүнийг “дагалдагч орнуудын зүгээс явуулж буй тонон дээрэмдэх, геополитикийн хязгааргүй шуналаас” болж ганхан, БНАСАУ-ын аюулгүй байдалд ноцтой заналхийлж байна гэжээ. БНАСАУ нь дайсагнагч хүчийг сөрөн зогсох цөмийн гүрэн байсаар байна гэж Ким Ган Иль онцлон тэмдэглэжээ. Тус улс нь шударга ёс, тусгаар тогтнолыг эрхэмлэдэг бусад улс оронтой найрсаг харилцаагаа хөгжүүлж, олон улсын шударга дэг журмыг тогтоох зорилгоор их гүрний ноёрхол, нэг талыг барьсан аливаа үйлдлийг хамтран сөрнө гэв. Сяншанийн форумыг 2006 оноос хойш Хятадын Ардын чөлөөлөх армийн Цэргийн шинжлэх ухааны академиаас жил бүр зохион байгуулдаг. Энэ жилийн арга хэмжээнд дэлхийн 100 орчим улс, бүс нутаг болон олон улсын байгууллагын хоёр мянга гаруй төлөөлөгч оролцож байна.
Монголбанкны Мөнгөний бодлогын хорооны ээлжит хуралдаанаар бодлогын хүүг 12.5%-д хэвээр үлдээхээр шийдвэрлэлээ. Хэдийгээр үнийн дарамт өндөр, төсвийн бодлогын тодорхой бус байдал нэмэгдэж байгаа ч ийнхүү хэвээр үлдээхээр шийдвэрлэсэн байна. Инфляцын түвшин наймдугаар сард 12.5%-д хүрсэн нь өнгөрсөн сараас 0.5 нэгж хувиар буурсан үзүүлэлт болсон. Тэр дундаа Улаанбаатар хотын инфляц 11.5%-д хүрч өнгөрсөн сараас 1.4 нэгж хувиар саарсан нь бодлогын хүүг хэвээр үлдээх шийдвэртэй холбоотой. Ялангуяа мах, хүнсний ногооны нийлүүлэлт нэмэгдэж, дотоодын хүнсний үнийн өсөлт саарсан нь инфляц буурахад голчллон нөлөөлсөн байна. Монголбанкны тооцоолсноор 2027 оны хоёрдугаар улирлаас эхлэн инфляц аажмаар саарсанаар зорилтот түвшинд хүрнэ гэж тооцоолж буй. Монголбанкны тооцоолж буй зорилтот түвшин нь 6% юм. Гэвч 2026 оны төсвийн тодотгол эцэслэн батлагдаагүй, 2027 оны төсвийн төсвийг УИХ-аар хэлэлцэж буй энэ цаг үед инфляцын өсөлтөд сөргөөр нөлөөлөх эрсдэлтэй. Түүнчлэн Монголбанк хэрэв төсвийн тодотгол батлагдвал инфляцын түвшин 11-12% байна гэж үзэж байгаа билээ. Төсвийн тогтвортой байдлын зөвлөл 2027 оны төсөв энэ хэвээр батлагдвал инфляц 1.6% өснө гэж таамаглаж буй.